22 наурыз-Жыл басы

22 наурыз-Ұлыстың ұлы күні. 

Бүгін - көктемнің жарқын мерекесі Ұлыстың Ұлы күні Наурыз мейрамы. Жыл өткен сайын Наурыз мейрамы елімізді мекендеген бүкіл халықтың, ұлт пен ұлыстың сағынып күтетін ортақ мерекесіне айналып, жаңа мазмұнмен, жарасымды сән-салтанатымен түрлене түсуде.

⚜️⚜️⚜️ НАУРЫЗ МЕРЕКЕСІ ҚАЗАҚСТАН АУЫЛЫНДА АТАЛЫП ӨТІЛДІ.
 Округ әкімі Қ.Тұрлыбеков, ақсақалдар кеңесінің төрағасы Р. Басшығұл мен Қоғамдық кеңестің төрағасы Б. Беисенбаев халықты Наурыз мерекесімен құттықтап өздерінің ізгі тілектерін білдірді. Ардагерлер кеңесінің мүшесі Ө. Қойшыбай қария барша жиналған қауымға ақ батасын берді.
   Іс-шара барысында шашу шашылып, “Ақ-зере” әжелер ансамблі ән шырқаса, ал ауыл жастары мен мектеп оқушылары мерекелік концерттік бағдарлама ұсынды. Әжелеріміздің айтуы бойынша, дәстүрдің озығы мен жазығы бар, өткеннен жеткен асыл мұраларымызды ұмытпай, жастарға насихаттауымыз керек. Осы мақсатта әжелеріміз “Бесікке салу” және “Ат қояр” рәсімдерін халық назарына ұсынды.
 Округ мекемелері, мектеп ұжымы мен ауыл тұрғындары көше бойынша ақ дастархандарын жайып, қонақтарға қазақ халқының ұлттық дәмдерін ұсынды. Мерекелік шара "Қол күресі", “Арқан тартыс”, “Гір тасын көтеру” ұлттық ойындарымен жалғасты. Жарыс жеңімпаздары округ әкімінің мадақтамасымен, ақшалай сыйлықтармен марапатталды.