1 сынып ата-аналарына кеңес

Кімге: 1 сынып ата-аналарына
Мақсаты: Оқушылардың мектеп өміріне бейімделуіне кеңестер беру.
Мерзімі: 5.10.2021
Қатысқандар: 20 ата-ана
Жүргізілуі: Вацап желісі, слайд түрінде.
 Сандық/сапалық нәтижесі:

• Бала  мектепке дейінгі кезеңнен бастауыш сыныпқа көшу кезінде 7 жастағы кризиске ұшырауы мүмкін.
• 7 жастағы кризиске сипаттама: еркелік, шолжаң қылық, .
• Мектеп өмірінің нормалары мен ережелері көп жағдайда баланың қалауымен сәйкес келмей жатады. Бұл нормаларға бейімделу керек.
• Балалар мектепте болып жатқан жағдайларға байланысты  таңырқап, қуанып, қызығушылық танытып қана қоймай қобалжу, мазасыздану сезімдерін бастан өткереді.
• Бала өзінің мектептегі оқушы екендігін әрдайым сезінен  бермейді, бірақ міндетті түрде ол туралы уайымдайды: ол өзінің ересек адамдар қатарына қосылғанын мақтан тұтады.
• Жеке тұлғаның өзін-өзі бағалауы қалыптасады.
• 1-сынып оқушысы өзінің іс-әрекеті қоршаған адамдардың көзқарасымен бағаланатынын түсінеді.
• Балалар тез қозғыш болып келеді, зейіндері шашыраңқы, өйткені мидың маңдай бөлігі  13 жасқа қарай толық жетіледі.
• Оқушының өмірінде мұғалім ерекше роль атқарады
• Мектептің талаптарына бейімделу кезеңі әр оқушыда әртүрлі өтеді, біреулерде 1 ай, келесілерде 1 тоқсан, ал кейбіреулерінде 1 оқу жылына дейін созылуы мүмкін.  

Ата-аналарға кеңестер айтылды: 

1. Бала неғұрлым көбірек сұрақ қойып көп нәрсеге қызыққыш болғандығын қолдау керек. Сұрақ қоймайтын оқушы бала ата-ананың қобалжуын тудыруы керек.
2. Сұрақ қоя білуге үйрету керек,ең алдымен өз-өзіне. Сөздіктерді қолдануға, кітапханада жұмыс істеуге т.с.с  Ата-ана баланың кез-келген сұрағына жауап беруге тырысуы керек.
3. Отбасы өз білім орталығын құруы тиіс – отбасылық кітапхана , әңгіме, пікірталас түрінде. Балаға кез-келген білім өз пайдасын әкелетінін түсіндіру керек. Барлығын баламен бірлесіп істеуге тырысу керек
4. Баланың ойланып, ой қорытуына жағдай жасау керек. Ой қорыта білу кез-келген іс-әрекеттің нәтижесі туралы түсінікті қалыптастырады. 

Жадынама таратылды: «Сәттіліктің кілті», «Ең дұрысы», «Баланы мадақтау»
Қорытынды: 1 сынып оқушылары тез қозғыш, эмоционалды. Тәртіптері ұйымдаспаған, шашыраңқы болып келеді. Бейімделу деңгейлері нормаға сай. Ата-аналар тарапынан сұрақтар туындаған жоқ. Балаларының күнделікті жақсы көңіл-күймен сабаққа баратындыған, жақсы көңіл күймен үйге келетіндігін жазды.
Нұсқау: Сабақты орындап болғаннан кейін баланы мадақтап қойыңыз. «Сен бүгін барлығын дұрыс істедің», «Өзің көп нәрсеге үйреніп қалыпсың» деген сияқты. Балалар уақытымен демалып, ұйықтаулары қажет.
Мектеп психологы                             А.Солтанғазықызы