"Баланың жақсы болуы - ата-анадан" атты аудандық жалпы ата-аналар конференциясы

Үшарал қалалық З.Қойшыбаев атындағы Мәдениет үйінде "Баланың жақсы болуы - ата-анадан" атты аудандық жалпы ата-аналар конференциясы өтті. Конференцияға аудандық медицина қызметкерлері, мектеп директорлары, директордың тәрбие жұмыстары жөнінен орынбасарлары, мектептердің педагог-психологтары, ата-аналар кеңесінің мүшелері қатысты. Кіріспе сөзді аудандық аналар кеңесінің төрайымы Ұ.Дүйсебаева айтып, «Бала тәрбиесі басты назарда» тақырыбында аудан әкімінің орынбасары М.Төлеужанов ,  Жетісу облыстық білім беруді дамыту оқу-әдістемелік орталығының әдіскері  Қ.Қуанышбаев "Қазіргі отбасы тәрбиесінде ұлттық құндылықтарды пайдалану мүмкіндіктері" тақырыбында баяндады, сонымен қатар облыстық аналар кеңесінің төрағасының орынбасары Ғ.Ақбасова, Үшарал қалалық аналар кеңесінің төрайымы З.Жуманова, аудандық аурухананың балалар дәрігері Ж.Булаева, Үшарал қаласы  М.Мыңбайұлы атындағы орта мектебінің директоры А.Аханова, Қабанбай батыр атындағы орта мектебінің ата-аналар кеңесінің төрайымы Н.Жуматова  жарыссөзге қатысты. Келесі "Сұрақ - жауап" бөлімінде қатысушылар спикерлерге сұрақтарын қойып, жауаптарын алды. Соңында ұсынымдамаларға талқылау жүргізілді