Бірыңғай «Жас Ұлан» балалар мен жасөспірімдер ұйымына қабылдау

            «Бірыңғай «Жас Ұлан» балалар мен жасөспірімдер ұйымы» Республикалық қоғамдық бірлестігі Елбасы Н.Ә.Назарбаевтың бастамасы бойынша құрылған Қазақстан Республикасы балалар мен жасөспірімдердің қоғамдық ұйымы болып табылады. «Жас Ұлан» - өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым. 

      «Нұр Отан» халықтық-демократиялық партиясының 2011 жылдың 11 ақпанындағы ХІІІ  съезінде Елбасы Н.Назарбаев ел жастарын «Бірыңғай «Жас Ұлан» балалар мен жасөспірімдер ұйымына» біріктіріп, балалардың «Жас қыран» ұйымын құруды тапсырған болатын.



Қазақстан Республикасы Тәуелсіздігінің 30 жылдық мерекесіне орай "Тәуелсіздік-теңдесі жоқ байлығым!" атты салтанатты жиында дарынды оқушылар "Жас Ұлан" ұйымына 11оқушы, "Жас Қыран" ұйымына 10 оқушы қабылданды. Мектеп ұстаздары ұйымға қабылданған оқушыларға "Жас Ұлан", "Жас Қыран" төсбелгілері мен галстуктарын тақты.