"Құқық әлемінде" кітап көрмесі

Мектепте "Құқық әлемінде" тақырыбындағы айлық жоспары негізінде мектеп кітапханашысы Ж.Базарханова мектеп кітапханасында тақырып көлемінде кітап көрмесін ұйымдастырды.
Мақсаты: оқушылардың адам құқығы, оның ішінде бала құқығы жөнінде түсінігін кеңейту, әрбір адам өз құқығын біліп, өзгенің құқығын бұзбауға үйрету, құқықтық тәрбие беру.
Шара аясында адам құқығы, бала құқығы, Қазақстан Республикасы азаматтарының құқығы мен міндеті, заң талаптарына қатысты мәліметтер тыңдалды. Оқушыларға заң талаптарын бұзбау, әр азамат өзіне жүктелген құқықтық міндеттерді дұрыс орындау қажеттігі жайында, сонымен қатар Қазақстанның құқықтық даму жағдайы азаматтардың құқықтық білім деңгейін көтеруге, Заң мен құқыққа деген құрмет әр адамның жеке ұстанымына айналуы керектігі жайында кеңінен ақпараттар ұсынылды.