Азаматтық қорғаныс күніне орай өткізілген оқу жаттығу

01.03.2025 жылы сағат  09:25 -те төтенше жағдайдың алдын алу мақсатында дабыл түймесі іске қосылды. Оқушылардың қауіпсіз эвакуациялануы үшін мектеп қабаттарына кезекшілер бекітіліп, ғимараттың тез арада босатылуына бағыт бағдар беріп отырды. Эвакуация кезінде мекеменің қауіпсіз алаңына қосалқы есіктер арқылы оқушылар, мұғалімдер, кіші қызыметкерлер, асхана қызметкерлері шықты. Оқу жаттығу өткізу барысында ғимарат ішінде дабыл жүйесінің естілгені және толыққанды ғимарат адамдардан босатылғандығы баяндалды. Қауіпсіз алаңға жиналған оқушылар мен қызметкерлер туралы АӘД пән мұғалімі А.Қайырбеков мекеме басшысына мұғалімдер саны 30, оқушылар 223, кіші қызыметкерлер саны 10, асхана қызметкерлері 5 адам қауіпсіз эвакуацияланғаны жөнінде баяндама жасады. Төтенше жағдай кезіндегі іс – әрекеттер жаттығулары орындалды, осындай түрлі төтенше жағдайларға дайын болуды және сақ жүруге шақырды.